orkeni on insee.me

Orken KENZHEBEK Photos & Videos on Instagram

@orkeni  Журналист. Медиалектор. Путешественник. Руководитель Службы спецпроектов Агентства "Хабар" Photo: Telegram канал -

17 hours ago

Астана банктің «аумин» болғанын білесіздер. Бұ дүниеден қайтқан банктің о дүниеде қайда барарын білмедім.. Бірақ, осы алыптың артында ботадай боздап 275 693 салымшы мен 2680 компания қалған еді. Қалғанда, олардың Астана банкте 39,3 млрд теңге салымы қалған. Қысқасы, Қазақстанның депозиттерге кепілдік беру қоры осы сомадан 37,2 миллиардын қайтарып бермекші. Ал 2 млрд теңгенің айырмасын кейін жабады. Себебі, 958 салымшының салымы әлгі қор үстіне қойып беретін ақшаның көлемінен артық екен. Тәк, бұл бір деңіз. Қайтаратыны анық. Мемлекет сөз берді. Ал кім қайтарады десеңіз, Ұлттық банк бұл жауапты іске @eurasianbank лайық деп ұйғарыпты. Бұйырса, алдағы 26 қаңтардан бастап Астана банктің клиенттері Еуразиялық банктің филиалдарына қарай бара берсе болады. Бір күн ғана емес, алты ай жүреді қайтарым. 26 шілдеге дейін. Ал бұл уақытқа дейін де үлгермесеңіз, онда Қазақстанның депозиттерге кепілдік беру қорынан аласыз ақшаңызды. Сонымен, Еуразиялық банкке Астана банкте әйтеуір бір салымы болған, картасында ақшасы қалған кез-келген адам бара алады. Ақшаңызды тек теңгемен қайтарады. Тағы да қайталап айтамыз, ақшаңызды қайтаруға алғашқы күндері асығып барып, кезекте тұрып қап, жүйкеңіздің жіптерін үзіп қайтудан абай болыңыз. Алты ай бар. Уақыт бар. Әлі. #eurasianbank

1.3k45
1 day ago

🇯🇵 Жапон медицинасы мықты деп саналады. Неге олай деп сұрау әбестік шығар. Бірақ, бұлар адам тұрмақ, теңіздегі устрицаға операция жасап жүрген адамдар ғой. Осы жерден түсіндіре кетейін. Маржанды білесіздер ғой, Сұлтанбаева емес, моншақтағы маржанды.. Уот, сол маржанның табиғатта пайда болу жолы тірі қызық. Теңізде тып-тыныш қана тасқа жабысып өсетін устрица деген мақұлық бар. Асты да, үсті де қабыршақ. Ортасы – ет. Соның қабыршағының ішіне ұсақ тас па, паразит жәндіктің ұрығы ма, әйтеуір, бірдеңе кіріп кетсе, устрицаның иммунитеті іске қосылады. Сөйтіп, әлгі кірген дүниені зарарсыздандыру үшін перламутр деген қоймалжың сұйықтықты денесінен бөліп шығарады. Сол сұйықтық кірген затты басып жауып, үстінен орап, қатады да қалады. Осы нәрсе екі-үш жылдан соң маржан боп шығады. Ал Кокити Микимото деген мынау азамат 1893 жылы осы маржанды жасанды түрде жасауды ойлап шығарады. Жұрттың бәрі бұл мүмкін емес дегенде осы мақсатына жиырма жылдай жүріп жеткен. Небір пәлемен, небір материалмен жұмыс жасаған. Осы жұрттың бәрі электр лампысын жетілдіру үшін 10 000 эксперимент жасаған Эдисонды біледі ме, біледі. ⠀ 👇 Мынау Микимотоң одан кем эксперимент жасамаған. Әлгі устрицалардың «жатырына» құмды түрлі өлшемде, судың алуан температурасында салып көреді, тұзын ауыстырады, оған өсетін жер таңдайды. 20 жылғы сынақтардан кейін Американың Миссисипи өзеніндегі бір моллюскінің өзегі ғана басқа устрицаның ішіне салуға жарайтын боп шығады. Ол үшін устрицаны қысқашпен ашып, жұмсақ тәнін тіліп, оған әлгі бөтен моллюскінің кесегін салып, қайта жауып, теңізге жібереді. Осы бөтен кесектің үсті 10 миллиметрдей перламутрмен жабылуы үшін кемі 3 жыл күтесіз. Үш жылда операция жасалған устрицалардың кемі жартысы қырылып қалады, аман-сау қалғанының ішінен шыққан маржанның тек бестен бірі зергерлікке жарайды. Осындай ит тірлік. Есесіне қымбатқа сатады. Айтпақшы, Микимото бағана айтқан Эдисонмен кездескен. АҚШ-қа барғанда. Сөйтіп оған өзінің маржанын Эдисонның аузынан мақтатып алады. «Бұл жасанды емес, таза маржан. Менің зертханамда жасауға болмайтын екі зат бар. Бриллиант пен маржан. Сіздің маржанды жасанды түрде алуыңыз - бұл әлемнің кереметі» деген сонда Эдисон. 🎈 Қызық, ә? #japan #жапония

2.8k132
4 days ago

🐰 Жекеме көп адам жазады. Біреу «Атыңыз Өркен бе?» деп сұрайды, біреу Шынар деген емшекбас туралы пікірімді сұрайды, біреу қарыз, біреу уақыт сұрайды. Енді біріңіз «Мен пәленше деген психолог едім, түгенше деген емші едім, жарнамалап беріңізші» деп осы әріптер түскен орынды сұрайды. Өкінішке қарай, мен өзім танымайтын, сырына қанық болмаған адамның ісін, әсіресе ақыл-кеңес айтушы, ем-дом жасаушы болса тіптен, жарнамалай алмайды екенмін. Ақысы болса да. Ал өзім жеке танып-білген адамдарды өзі қарсы болса да жарнамалауға асығып жүремін. Себебі, мен білгенді жұрт білсе, менің достарымды Сіздер де жақсы көрсе деген ниет сол.. ⠀ Мынау – @kuat_bolatov. Досым. Семейдің тумасы. Шетелге алғаш рет 26 жасында шыққан. Содан бергі 5 жылдың ішінде 37 мемлекеттің жеріне бәтіңкесінің ізін салып, соның 12-сін палаткада түнеп, велосипедпен жүріп аралаған. Жүгіреді (таңертең), ұшады (парапланмен), жүзеді (аквалангпен). Еще оқиды. Назарбаев университетінде оқып жүріп, қазір Голландияның ең үздік деген университетінің магистратурасын кеміріп жатыр. Осының бәріне ешқандай бай ата-анасыз, Алланың қалауымен, сосын өз білім-қажырымен жетіп жатыр. Өзіне-өзі крыша) Ал дәл қазір менің арманымдағы ел - Мароккода шалқып жүр. Фотолары енді фантастика! Жазғандары сондай жұмыр! Оқыған соң осындай адамдары оқу керек қой, ә?) @kuat_bolatov - қа жазылсаңыздар, өкінбейтіндеріңіз төшна!

1.9k108
5 days ago

Өлі фото. Бірақ, маған осылай сәулеттен симметрия, қабырғадан қима (сечение), тастан пропорция іздеген ұнайды. Қандай да бір мәселенің шешімі келмей жатса не бір ой шаршатса, көше аралап, бұрын талай көрген дүниелердің жаңа ракурсын табуға тырысамын. Еңкейесің, жатасың, тұрасың. Содан соң сергисің. Әлгі мәселенің шешімі де ойға түсе қалады. Әрі мынадай әдемі фото да шығады.. Бір іспен екі тышқан, тойыс, қоян) P.S. Инстаграмда стори пайда болғалы мұндай фотолар сонда жоғалып кететін болды ғой.. Бүгінгі жаңа фотоны осында салып қояйыншы деп. Айтпақшы, фото #lgg7thinq -ке түсіріліп, Snapseed арқылы өңделген. #astana #kazakhstan #architecture #webstagram #topclub #mobilephoto #instagood #instadaily #instagramhub #picogtheday #photooftheday #bestoftheday #nature

2.1k18
6 days ago

🐒 Біз ақпараттық, жыныстық, қаржылық, тағы қандайы бар еді, общым, осындай сауаттылықтың дымын білмей өскен буынбыз. Өтірік айтамын, бес-алтыдағы жасымызда ауладағы қыздармен «папа-мама» ойнайтынбыз. Олар мамасының табаларын алып, ошақтың отына қыздырып отырады. Ал біз – типа еркектер енді азық тауып келуіміз керек. Ибо табиғатымыз сондай. Ауылда алты жасар баланың қолына ілінер қандай азық бар? Арыққа барып, итбалық аулаймыз. Шамамыз сол бишараға жетеді. Итбалық деген құрбақаның әлі құйрығы бар баласы. Соларды аулап, «әйелдерімізге» береміз. Олар оны тірідей шыжғырады. Енді соны өтірік жеген секілді тісімізге шайнап-шайнап, ауқаттанғанның ырымын жасаймыз. Кейбіріміз өтірік жеп отырып, итбалықты шын жеп қоятынбыз) Бұнымыз енді жыныстық сауаттылыққа жатпас, тек еркек-әйел дегеннің кім екенін, дұрысы, жауапкершілігін үйреткен ойын еді. Ал қаржылық сауаттылық бізге 8-9 сыныпта келді. Ел-жұрт боп түсті металл жинағанда, біз де қарап қалмадық. Сол үшін көрші үйдің ауласынан 16 келі дюралюминийді қазып алып, оны тапсырғанымда алған 650 теңгені ешқашан ұмытпаймын. Бұл менің тапқан алғашқы миллионым, тойыс, 650 теңгем еді) ⠀ 🐧 Содан әлі күнге қаржылық сауаттылығымыз қалыптаспады-ау, қанша тапсақ, сонша жаратамыз. Айлық алғанда рестораннан шықпай, айлық аларға екі күн қалғанда қатқан пішінәйді ыстық суға жібітіп кетеміз) Қысқасы, осындайларға @eurasianbank - те PayDА деген бөліп төлеу (рассрочка) картасы бар екен. Бұның артықшылығы, қандай болмасын, дүниені бөліп төлеу мақсатымен сатып алуға болады. Қазақстан бойынша да, әлем бойынша да, кез-келген интернет-дүкеннің ішінде де сауда жасай бересіз. Ол үшін әлгі дүкенде, сән салонында, кинотеатрда ма, онлайн төлем жасау мүмкіндігі болса, болды. Еуразиялық банктің әріптесі ме, әріптесі емес пе деп, әр дүкенге жалтақтап жүрудің де қажеті жоқ. PayDa бойынша сауда жасағанда, сомаңыз үшке бөлінеді. Осы соманы алдағы үш айда төлеп тастау керек. Пайыз жоқ. Картаның лимиті - 50 мың теңгеден 250 мың теңгеге дейін. Ал PayDa жайлы пайдалы ақпаратты көбірек білгіңіз келсе, https://paydacard.kz сайтында бәрі жатыр. Мүмкін, отыр. Игілігіңізге жаратыңыздар! ⠀ #PayDA #eurasianbank

2.1k103
1 week ago

Малайзия деген мемлекет бар. 30 миллиондай халқының тең жартысы малай ұлтынан да, 23 пайызы – қытай, 10 пайызы – тамил (үнді). Қалғаны – сол жердің абориген тайпалары. Енді қараңыз, осы елде қандай да бір ресми қағазды, мысалы, емханаға барып, медициналық бюллетень толтыратын болсаңыз, ұлтыңыз бен ұстанатын дініңізді сұрайды. Былай қарасаң, дәрігер сіздің ұлтыңызға қарап диагноз қоймайды, қандай айырмасы бар дейсіз ғой.. Жо-о-оқ, айырма көп. Малайзия конституциясының 153 бабы бойынша елдегі қытай мен тамиль өздеріне азаматтық бергені үшін малай ұлтына қарыздар дегенді жазып қойған. Ағылшындардан азаттық алған 1957 жылы жаздырған. Себебі, елдегі бүкіл бизнес, қонақ үй, дәмхана саласы пысық қытайлардың, ал құрылыс жағы тамилдердің қолында. Былайша айтқанда, осы екеуінің әлеуметтік жағдайы мемлекетқұраушы деген малайдан жоғары еді. Әлі де жоғарылау. Айтпақшы, 1960-шы жылдардың соңында малайлардың қолында елдегі меншіктің тек 2,5 пайызы ғана болған. ⠀ Осыны ескеріп, ұлтшылдары Конституциясына малай мен әлі де орманнан бері шықпай отырған тайпаларға әлеуметтік-экономикалық артықшылықтар беретінін жазып қойған. Мысалы, мемлекеттік қызметшілердің бәрі дерлік – малайлар. Әлгі сорайған қос мұнарада отырған мұнай компаниясында 98 пайыздай қызметкер – тек малайдан. Оларға жоғары оқу орнына түсуде, бизнес ашуда кәдімгідей жеңілдіктер береді. Басында мұндай шектеуші баптар 15 жыл ғана күшінде тұрады деген. Қайдағы, елу жыл өтті – Малайзия ұлттық дискриминация негізінде ұлттық саясатын құрған әлемдегі санаулы елдердің бірі болып отыр. Әрине, бұған қытай мен үнді қарсы. Иә, малайлар ауылдарынан қалаға келіп, білім алып, мемлекет басқаруына әсер ете алатындай күшке айналып үлгерді. Алайда, қоғамы біртұтас бола қойған жоқ, әр ұлт өз бетімен дегендей, бұл да қауіпті. ⠀ Соңғы оқиғаларға байланысты осы Малайзия мысалы есіме түсіп кетті. Бізде де «мемлекетқұраушы қазақ ұлтында белгілі бір артықшылықтар болуы керек» деген месседжді жиі жаздық. Егер Малайзияның мысалында, допустим, тек қана қазақ ұлтынан болғаны үшін өзіңізге қандай артықшылық не жеңілдік алар едіңіз? 📷 Фотолар - 2015 жылы осы елге барған сапарымнан

3.6k171
1 week ago

2012 жыл. «Қырғыз көктемі» фильмін түсіру үшін көрші елге сапар шектім. Қырғыз бен өзбек аралас отырған Ош қаласында болғаным бар. Бәкиевті тақтан кетіремін деп бұқара бүлініп жатқанда осы жерде ұлтаралық қақтығыс бұрқ ете қалған. Сонда қырғыз-өзбек арасындағы қанқырғында 863 адам қайтыс болып, 1500-і жараланып, 300 000-ы босқын болған еді. Ошта мені бір күн қырғыз таксист, енді бір күн өзбек шаштараз алып жүрді. Екеуіне де бір сұрақ қоямын сонда: «Екі ұлт неге табыса алмай келеді?». Қырғыз Әбдібақы асханасына апарып, шорпосын алып беріп, сөйледі дейсің: «Бұл Оштың өзбектері бізден бай. Айылдан келген қырғыздардың жерін айламен арзанға сатып алып, кейін өздеріне үлкен бағаға сатады. Дүкенде де, базарда да, шаштаразда да солар. Керек заңдарды біліп алған..». Мхм. Ертеңіне өзбек Ғафур махалласына алып барып, сәбидің басындай самсаны шайына батырып отырып, былай деді: «Бұл қырғыздар өзбектерде қандай кафе, қандай ірі нысан бар, көбін зорлықпен тартып алды. Жердің де біразын тартып алды. Өкіметке барып шағымдансақ, олар шағымымызды қарамайды». Мхм. ⠀ Сонда бір-біріне етене жатқан екі ұлттың қырықпышақ болуы мүлік, жер, байлықтағы теңсіздігінде жатыр ма деп ой түйгенім бар. Айтпақшы, Ғафур самсаханадан шыққанда адам сапырылысып жатқан үлкен көшеге қарай қолын нұсқады. - Өркен, не көріп тұрсың? - Көше. Адамдар. - Жоқ. Бұл шекара. Көрінбейтін шекара. Біз қырғыз бен өзбек болып бір елде, бір қалада, бір көшеде тұрамыз. Бірақ, соңғы соғыстан кейін бір-бірімізбен араласудан қалдық. Бір-бірімізден ештеңе сатып алмаймыз. Былай бейбіт көрінгенімізбен, қазір осылай бөлінгенбіз... ⠀ Қарағандыдағы жағдайдан соң, осы эпизод есіме түсіп кетті. Бізде де сол көрінбейтін шекаралар бар. Тек ұлттар емес, Сіз бен менің, орыстілді мен қазақ тілінен басқа тіл білмейтіннің, Батыс көрген мен ауылдан шықпағанның, намазхан мен атеистің, Байзақова мен Ахметованың, 91 мен Заттыбектің, ресейшіл мен түрікшілдің, тендерші мен бизнесменнің, ұятты мен гейшілдің арасында шекаралар бар. Және ол шекаралар жыл сайын қалыңдап келеді. Мен байқаған шекараларды Сіз де байқадыңыз ба?

2.3k146
1 week ago

ҚАРАҒАНДЫ. ТӨБЕЛЕС. ҚАЗІРГІ АҚПАРАТ. ⠀ 👀 АҚШ-тың Вермонт штатында болғанымызда, бізді бір күні жергілікті полиция бөлімшесіне алып барды. Әйел де, еркек те кіре алатын әжетханасына дейін көрсетті.. Сонда біз "Қандай да бір қайғылы жағдай орын алса, қанша сағатта реакция бересіздер? Мысалы, әлеуметтік желіде..." дедік. Күлді. Өз сұрағымыздың әбестігін түсініп, "М-м, қанша минутта?" деп түзеттік. Тағы да күлді. Төзімімізді тауыспай, "45 секунд!" деп жауап берді. Яғни, бір жерде өлім фактісі тіркелсе не төбелес болса, 45 секундтың ішінде Твиттерімізге алғашқы жазбаны жазамыз деді. Таңбыз әлгі жерде. "Иә, біз де дым түсініп отырған жоқпыз, бірақ, бірнәрсе болды, бара жатырмыз, сабыр етіңдер" деп жазамыз да, ары қарай кете береміз дейді. Неге 45 секунд десек, бұдан ары тоссаң, сол оқиға жайлы қауесет бұқараның қолына көшіп кетеді деген. Біздіңше айтқанда, уатсапқа... ⠀ 👀 Ол - Америка. Ал бұл - Қазақстан. Оның ішінде Қарағанды. Осылай біреу салыстырып жазса, менің де жыным ұстар еді.. Бірақ, ақыры сол жаққа ұқсағымыз келеді екен, тырысайық та.. Полициямыз 45 секунд емес, 20 сағаттай кешікті мәлімдемемен. Бүгін ғана Қарағанды төбелесінен полиция кеш болсын ақпаратын беріп жатыр. "Тек армяндар қазақтарға жабылды" дегенге контраргумент: қақтығыс барысындағы екі тарап мүшелерінің арасында да қазақтар болған. Мысалы, ұсталғандар арасындағы Надырбеков Қайыр - қазақ. Мұның бәрін қазір Қарағандыда жүрген Айсұлтан әріптесімізден алып отырмыз. Қазақтарға қарсы тарапта армян да, қазақ та, әзірбайжан да болған. Сондықтан, бұған ұлтаралық бояу жағуға әсте келмейді. Бұл кәдімгі тұрмыстық кикілжің. Жаңа жылды тойлаймыз деп қызып қалған. Шекіскен. Кетіскен. Полицияның қызметі неде - үш адам ұсталды, тек бір күдіктінің соңынан халықаралық іздеу салынды. Нарек Гурурянның артынан қуғыншы жіберді. ⠀ 👀 Қазір кінәлілер қалай жазасын алатынын қайтыс болған жігіттің құнын төлету жағын келісіп жатыр. Иә, әлгі қайтыс болған жігіт ресторандағы төбелесте болмапты. Шақыртумен келіпті. Ажалы айдап келген, қазақша айтқанда. Енді 6 қаңтарда заң адамдары мен белсенді топ өкілдері қайта кездеседі. Сонда тағы біраз дүниенің басы ашылады деп отыр. ТҮЙІНІ 👇👇👇

1.9k261
2 weeks ago

🔘 2018 жыл(ым) ⠀ Саналы ғұмырымда сатып алған алғашқы пәтеріме ел-жұрт боп 4 ай жөндеу жасап, осыдан 2 күн бұрын кіріп алдым. Көзіме 20 жыл бойы серік болған көзілдірікті @oftum_kz арқылы біржола лақтырдым. Нәтиже – 100%. Саяхат: Осы жылы 10 мемлекетке саяхаттап, барған-көрген ел санын 35-ке толтырдым. Сонымен, олар- Германия (Берлин), Франция (Париж, Гарж-ле-Гонесс), Люксембург, Бельгия (Брюссель, Брюгге, Антверпен, Остенде), Латвия (Рига), Ресей (Мəскеу), Жапония (Токио, Иокоһама, Хирошима, Осака, Киото, Миязима, Химэдзи), Эстония (Хаапсалу, Лахемаа, Таллин), Финляндия (Хельсинки), Литва (Вильнюс, Клайпеда, Бирштонас, Курш доғасы, Каунас, Тракай). Ал өзімізде Маңғыстау жақтағы Қапамсай шатқалы, Шақпақ ата мешіті, Торыш шатқалы секілді тамаша жерлерге алғаш барып, таң қалдым.. ⠀ Семинар: @kuantr -дың «Екінші болма: INTENSIVE» және «Мастер» жобаларынан бастап Нұр отанның Ақтөбе мен Шымкенттегі аймақтық конференцияларына, Шымкент жастар форумынан «Жастар синергиясы» лагеріне, «Қазақпараттан» «Азаматтық үкімет» корпорациясына, Оралдағы Q-talksтан Ақмола, Жамбыл, Атырау облыстары, Алматы қаласының әкімшіліктеріне дейін кемі 16 семинар, 10 кездесу өткізіппін, 3 блогтурға шықтым. Бұл есімде қалғаны. Қалмағаны қаншама. Тараздағы LEVEL UP бизнес форумында нейминг турасында пиаршы боп сөйлеуге тура келген жыл болды. Өтемұратовтың «Верный капитал» қаржылық тобына қазақ аудиториясын таныстыру үшін орысша презентация жасауға тура келді. ⠀ Пиар: BI Groupтан бастап «Қазпошта», «Қазақтелекомға», «Самұрық-Қазына Контракттан» Kazakh Tourismға дейінгі отызға тарта компанияның пиар тапсырыстарын орындаппым. Бірақ, бұлардан бөлегі - @airastana_kazakhstan бейнежарнамасына @yelikbayev - тай мэтрмен бірге түстім. @lg_electronics_kz -мен байланысымыз тереңдегені сонша, 560 мың теңгенің теледидарын қоңыстойға сыйлағаны тағы бар) @eurasianbankпен ұзақ мерзімге келісімге қол қойдық. Отандық @sman_limited бренді үшін Парижде фотосессия жасатып, @argymaq бойынша тамаша байқау ұйымдастырдық. Oftum клиникасымен достасып, 650 мың теңгенің отасы тегінге түсті. Басқа экономдарды айтпай-ақ қояйын) 👇👇👇 СОҢЫ

3.6k129
2 weeks ago

🇯🇵 Фэйсбукте Батырхан Құрмансейіт деген жапонтанушы ағамыз бар. Кеше екі жапон қылмыскерін дарға асқаны туралы жазған еді. Сондағы бір деталь көңіліме қадалып қалды - жапондар өлім жазасын дарға асу арқылы орындайды. Сонда мойынға арқан ілінген соң, астындағы тақтайды төмен қарай ашу үшін басқа бөлмеде орналасқан 3 кнопканы 3 адам бір мезетте басады екен. Енді осы тақтайды ашу үшін неге үш кнопканы бір мезетте басады дейсіз ғой? Сөйтсе, сол үш кнопканың біреуі ғана істейді, ал қалған екеуі – жай тұрған, бос кнопка. Үш адамда да басқысы келетін кнопканы таңдау құқығы бар. Сонда қай адамның басқан кнопкасы тақтайды ашқаны ешкімге белгісіз қалады және оны басқан адам да "мүмкін менікі емес шығар, оны дарға асқан мен емес шығармын" деген үміт қалады. Өлім жазасына кесілген қылмыскер дегенмен, қызметтегі міндет дегенмен, адам өліміне себепкер болудың жауапкершілігін осылай жеңілдеткен. ⠀ 🍁 Жапондар осындай. Бұлар "жоқ" деп бірден айтпайды. Тәрбиеден. Кісінің көңілін қалдырғысы келмейді. Бұлар қағазға қарап қалған. Әлі күнге танысқанда, визиткасын ұсынып жүргені. Тіпті бассейнде танысу үшін де су өтпейтін визиткасын салып жүретін қуғынбайлар бар. Өте кішіпейіл. Мұнда сізге қанша рет иілсе, сіз де сонша рет иілуіңіз керек. Әйтпесе, Сіз жайлы әдепсіз екен деп ойлап қалуы мүмкін. Қытайға қарағанда тазалыққұмар. Сол үшін де әжетханаларында бөлек тапочка ұстайды. ⠀ 🇯🇵 Осыны жазып отырған себебім - мына фотоны салу еді. Бұл - Химэдзи қамалы. Барлығы дерлік ағаштан қаланған 83 ғимарат 1346 жылы салынған. Түріне қарап, аққұтан қамалы деп атайтыны бар. Ешқашан өртенбеген. Бомбы түспеген. Живой өте әдемі. Барғаныма өкінбеймін, қысқасы #japan #himeji #architecture #instakz

2.6k58
2 weeks ago

🏠 Бұл – пәтерімнің боялуы бойынша соңғы пост. Басында уәде еткендей, ақырында бейстандарт бояу түрлерін таныстырамын дегенмін. Бір жарым ғасырлық тәжірибесімен @tikkurila.kz бояудың мінсіз формуласын табамын деп небір қызық түрлерін неғып тастаған екен. Шығарып тастаған дегенім ғой) Мысалы, жылтырамайтын, үйкеліске шыдамды, орысша айтқанда, матовый Perfecta деген бояуы бар. Мұндағы Ceramic Barrier технологиясы бояудың сыртқы қабығының тастай қаттылығын қамтамасыз етеді. Күн көзіне шағылыспайтындай күңгірт боп боялады дейді, бұнысын қолданып көрмедім әлі. Сосын Liitu деген бояуымен кәдімгі мектеп тақтасын үй жағдайында жасап көруге болады. Мен жатын бөлменің бір қабырғасының төмен жағын осылай боядым. Менікіндей классикалық қара түспен де, Тikkurila-ның кез-келген түсімен араластырып боясаңыз да болады. Бормен беймарал жазасыз, жеңіл сүртіледі. Енді осыған Magnetic деген түрін араластырыңызшы – вуаля, қабырғаға магнит жабысады! Кіреберістегі хабарлама қалдыратын қара тақтаны осындай принциппен жасадым.. ⠀ 🏠 Сосын тағы бір «біртүрлі» бояудың аты – Euro Extra. Бұны әдетте керамогранит не кафельмен қаптап тастайтын жуыну бөлмесіне жақса жақсы болады екен. Жоғары ылғал да, температураның ары-бері түсіп-көтерілгені де, ыстық бу да әсер етпейді. Төбенің бұрыштарын зең басып, көгермейді. Сосын кафель сияқты емес, жалықсаңыз, басқа түске бояп тастауға болады) Ең соңғысы – мен қолданғым келіп, бірақ, сәті түспеген Taika Glow деген бояу түрі еді. Бұл кәдімгі суға езілетін, иісі шықпайтын лак. Бояйсың ғой, сосын күннің көзінен не люстрадан қуатты сіңіріп алады да, жарық өшкенде алты сағатқа дейін жарқырап тұрады. Балалар жататын бөлмеге эксперимент жасауға таптырмай тұр. Бұйырса, келер жылы бояп көремін осыған.. Қазір бояудың 5 түрін айттым ғой, қызық болғанда бұл сиқыр емес. Жай ғана ғылым. Дұрысы, химия. Просто Финляндияда ол дамыған. Ал біз дайын бояуды қолданудың өзіне миымыз ашып жатыр) tikkurilakz #tikkurila #бітетінремонт

2.2k42
2 weeks ago

💻📱⌚ Apple-дің Ерлан Қарин туған жылдағы, демек, 1976 жылдағы логотипіне қарасаңыз, алма ағаштың саясында астында отырған Ньютонның суреті тұр. Батыста ғой ол алма деген ағылшын ғалымының басына топ етіп түскен жеміспен, сосын барып Стив Джобстың темір-терсектерімен ұлықталады. Ал бізде алма деген жемістің ат тарихы әлімсақтан арыда. Себебі, алма деген әрі тыйым. Ол - етістік. Алла тағаланың Адам ата мен Хауа ананы жұмаққа жіберген соң, бәріне тиіссеңдер де мына ағашқа тиіспе дегенін білесіздер. Орыстардың «яблоко раздора» деген тіркесі де қайдан шықты дерсіз - осыдан. Қараңызшы, қарапайым жемістің аты бізде әлемнің жаратылысынан бергі уақиғалармен байланысып тұр. ⠀ Бүгін Астанадағы Mega Silk Way сауда орталығында Premiuim Reseller мәртебесіндегі @ipoint_kz дүкені ашылды. Соған барғанмын. Әрине, бұл Әппл стор емес. Бірақ, одан кем емес. Біріншіден, дүкен Applе-дің әлемдік стандарттарына сай сәнделген. Мұндағы есіктің тұтқасынан сатушылардың сауатына дейін Калифорниядағы Apple офисінің қатал бақылауында дейді. Солай шығар, сауда залы да, шоу-рум да атағы Айға мәлім брендтің аурасын сезінуге жағдай жасайды. Екіншіден, осы дүкеннің ашылу құрметіне бүгіннен бастап 30 желтоқсанды қоса алғанда Apple өнімдерінің кейбірін 40%-ға дейін арзанға алуға болады. Тек осы күндері iPad 2018, AirPods құлаққаптары, Macbook Air және Macbook Pro ноутбуктері дәл АҚШ-тағыдай бағамен сатылады. Мұнда Apple Watch Series 3 өте оңтайлы бағамен сатылғаны былай тұрсын, екінші бауын сыйға береді. ⠀ Үшіншіден, iPhone XR смартфонын 12 айға дейін ешқандай жарна құймай-ақ, қарызға сатып алса болады. Ол үшін www.ipoint.kz/opening сайтында тапсырыс беруіңіз керек. Бүгін білгенім, Premiuim Reseller мәртебесіндегі iPoint.kz дүкені осындай мәртебеге ие еліміздегі жалғыз компания. Демек, әлемдік деңгейдегі сервисі мен кепілдігін береді. Ал айфоншылар мен оған тамсанушылар, Айфон расымен мықты телефон ба осы? Әлде атақ даңқының есебінен әлі тұр ма?

1.6k35